TAARIFA KWA UMMA KUTOKA KWA BANK OF AFRICA TANZANIA

Mpendwa Mteja,

YAH: KUFUNGWA KWA BENKI SIKU YA JUMAMOSI, 31/12/2016

Tunapenda kukujulisha kwamba benki itafungwa siku ya Jumamosi, tarehe 31/12/2016. kwaajili ya kupisha uboreshaji wa mfumo wa kiufundi wa benki na huduma zitarejea kama kawaida siku ya jumatatu, tarehe 2/01/2017.

Ijumaa, 30 Desemba 2016	Tutakuwa wazi kuanzia saa                           2: 30 Asubuhi -10:00 Jioni
Jumamosi, 31 Desemba 2016	Tutafunga kupisha uboreshaji wa mfumo wa kiufundi wa Benki
Jumatatu , 2 Januari 2017	Kurejea kwa Huduma

Unashauriwa kufanya miamala yote ya muhimu kabla ya siku tajwa hapo juu, ili kuepusha ucheleweshaji usio wa lazima.

Huduma za kibenki kwa njia ya mtandao (Internet Banking), ATMs na Visa cards zitaendela kupatikana kama kawaida katika kipindi tajwa hapo juu.

Tunaomba radhi kwa usumbufu wowote utakaojitokeza na tunawahakikishia dhamira yetu ya kuendelea kuwahudumia ipasavyo. Kwa maelezo Zaidi tafadhali tembelea tawi letu lolote lililo karibu nawe au piga 0782 262 291.

Tunakutakia Heri ya Mwaka Mpya wa 2017.

Imetolewa na Utawala

28.12.2016

Thursday, December 29, 2016  Copyright: Changanua Blog      Maoni: 0

House for rent at Mbezi Beach Shoppers, DSM

Its a nice beach view house 8 Bedrooms, Large space for dining, Nice modern Kitchen, Large Green Garden, fully Air Condition.

The house is located Mbezi beach Shoppers.

Contact 0713 882 800

Wednesday, December 21, 2016  Copyright: Changanua Blog      Maoni: 0

Christmas Special at Shekinah Garden

Tuesday, December 20, 2016  Copyright: Changanua Blog      Maoni: 0

MAN FONGO WITH SINGELI DANCE AT GIRAFFE OCEAN VIEW HOTEL ON XMAS DAY

Tuesday, December 20, 2016  Copyright: Changanua Blog      Maoni: 0

Executive Furnished Office Space Available For Rent

A spacious fully furnished & carpeted office space is available for immediate occupancy.

Located at Hugo House Kinondoni Plot no 22 (Kinondoni Road) on the 3rd floor of the property.

The office covers a total area of 80 square metres, 4 partitioned rooms and a lobby area that could be used for meetings.

This office comes with pre installed Air Condition split units.

For inquiry please contact 0713 465 336 or 0713 272 202.

Wednesday, November 30, 2016  Copyright: Changanua Blog      Maoni: 0

WAKAZI 800 WA KEREGE WAPATA HUDUMA ZA BURE ZA MATIBABU YALIYOANDALIWA NA KLABU YA ROTARY YA OYSTER BAY

Zoezi la Kambi hiyo ya matibabu bure likiendelea katika mji huo wa Kerege.

Zoezi la Kambi hiyo ya matibabu na upimaji bure likiendelea katika mji huo wa Kerege.

Mmoja wa wananchi wa Kerege (kulia) akipima macho katika kambi hiyo.

Klabu ya Rotary ya Oyster Bay pamoja na madaktari na wafanyakazi wa kujitolea wametoa huduma za matibabu kwa wakazi wa Kerege wilayani Bagamoyo. Kambi hiyo ya matibabu imeeefanyika Jumapili tarehe 27 Novemba katika shule ya Msingi ya Kerege.

Vipimo na matibabu vilitolewa bure kwa magonjwa kama vile malaria, upungufu wa damu, kisukari na shinikizo la damu, masikio, pua na koo (ENT), magonjwa ya ngozi, macho pamoja na meno. Huduma nyingine zilizotolewa zilikuwa pamoja na ugawaji wa miwani zilizotolewa kwa watu waliokutwa na matatizo ya macho.

Huduma za ushauri kwa wajawazito na vifaa vya kujifungulia vilitolewa bure kwa wajawazito; huduma za ushauri nasaha na upimaji wa UKIMWI pia zilitolewa. Kwa mara ya kwanza, elimu ya usafi na taulo za wanawake zilitolewa kwa wasichana.

Akizungumza katika kambi hiyo, Alfred Woiso, Rais wa Klabu ya Rotary ya Oyster Bay alisema, “Ni furaha yetu kuwa hapa kwa mara nyingine tena na tunafurahi kuona wakazi wa Kerege wamejitokeza kuja kupata huduma hizi. Tumetoa huduma kwa watu waliokuwa na matatizo mbalimbali. Tumeona wagonjwa wengi wenye magonjwa sugu kama kisukari na shinikizo la damu. Inaonekana kuna haja ya kupanua wigo wa huduma zetu kwa vile kuna mahitaji ya huduma za matibabu ya magonjwa mengine.”

Kambi hiyo ya matibabu ilihudhuriwa na wagonjwa wapatao 800 kutoka Kerege na maeneo ya jirani. Kambi hii inayoandaliwa na Klabu ya Rotary ya Oyster Bay imefanyika Kerege kwa mara ya sita sasa kwa lengo la kuwasaidia wakazi wa Kerege kupata huduma za matibabu, wakazi ambao kwa kawaida hawana uwezo wa kumudu gharama za matibabu.

Kambi hiyo ya matibabu imedhaminiwa na Diamond Trust Bank na kuandaliwa kwa ushirikiano na Shree Hindu Mandal Hospital, Vital Supplies, Whitedent, vClick Concepts Inc, MAK Books and Brains, ABACUS Pharmaceuticals, Fazel Foundation na wanachama wa Klabu ya Rotary na Rotaractor.

Monday, November 28, 2016  Copyright: Changanua Blog      Maoni: 0

Mikono juu Mwendo wa mateka: ELLENA - MOTOKOMBATI

Thursday, November 24, 2016  Copyright: Changanua Blog      Maoni: 0

KLABU YA ROTARY YA OYSTER BAY YAANDAA HUDUMA ZA MATIBABU BURE KWA WAKAZI WA KEREGE JUMAPILI TAREHE 27 NOVEMBA 2016

Klabu ya Rotary ya Oyster Bay imeandaa kambi ya matibabu ya bure itakayofanyika eneo la Kerege wilayani Bagamoyo. Huduma hizo za matibabu zitatolewa siku ya Jumapili tarehe 27 Novemba katika shule ya Msingi ya Kerege.

Timu ya wataalamu wa afya kutoka Hospitali mbalimbali, wanafunzi wa udaktari, wanachama wa Rotary na wafanyakazi wa kujitolea kutoka sekta mbalimbali watashiriki katika kambi hiyo ya matibabu.

Vipimo na matibabu yatatolewa kwa magonjwa kama malaria, upungufu wa damu, kisukari na shinikizo la damu, masikio, pua na koo (ENT), magonjwa ya ngozi, macho, meno na kansa ya kizazi kwa akina mama. Miwani zitatolewa kwa watu watakaokutwa na matatizo ya macho. Huduma za ushauri kwa wajawazito zitatolewa na wajawazito pia watapatiwa vifaa vya kujifungulia bure.

Wakazi wa Kerege na maeneo ya jirani wanaombwa kujitokeza kwa wingi na kutumia fursa hiyo ya matibabu ya bure haswa akina mama na watoto.

Akizungumza kuhusu mradi huu, Alfred Woiso, Rais wa Klabu ya Rotary ya Oyster Bay alisema, “Tuna furaha kuandaa kambi hii kwa mara nyingine tena kwa wakazi wa Kerege ambapo lengo letu ni kuwasaidia watu ambao hawana uwezo wa kumudu gharama za matibabu. Tunawashukuru wadhamini na watu wote wanaojitolea katika mradi huu na tunakaribisha watu kuhudhuria na kusaidia kwa namna yoyote ile katika kambi hii ya matibabu.”

Usajili wa matibabu utaanza mapema asubuhi na watu wapatao 1,200 wanatarajiwa kupata huduma za matibabu kulingana na mwenendo wa idadi ya watu ambao huwa wanajitokeza kila mwaka kambi hiyo inapofanyika. Wakazi wa Kerege wanashauriwa kufika mapema ili kuweza kupata huduma.

Kambi hiyo ya matibabu imedhaminiwa na Diamond Trust Bank na inaandaliwa kwa ushirikiano na Shree Hindu Mandal Hospital, Vital Supplies, Whitedent, vClick Concepts Inc, MAK Books and Brains, ABACUS Pharmaceuticals, Fazel Foundation na wanachama wa Klabu ya Rotary na Rotaractor.

Wednesday, November 23, 2016  Copyright: Changanua Blog      Maoni: 0

BANK OF AFRICA yasaini mkataba na taasisi ya AFD ili kuwezesha utoaji wa mikopo ya uwekezaji katika nishati mbadala

Kutoka kushoto ni Bw. Amishadai Owusu-Amoah Mkurugenzi Mtendaji wa BANK OF AFRICA-Tanzania akisaini mkataba na Bw. Bruno Deprince Mkurugenzi wa Kanda wa AFD Afrika Mashariki.

Kutoka kushoto ni Bw. Youssef Benrhafiane Naibu Mkurugenzi Mtendaji wa Mikopo na Udhibiti wa BANK OF AFRICA- Tanzania, Bw. Amishadai Owusu- Amoah Mkurugenzi Mtendaji wa BANK OF AFRICA- Tanzania, HE Malika Berak, Balozi wa Ufaransa nchini Tanzania, Bw. Bruno Deprince Mkurugenzi wa Kanda wa AFD Afrika Mashariki na Bw. Thomas Richard, Mwakilishi wa Shirikisho la viwanda Tanzania.

Tanzania, 22nd Novemba 2016 –Agence Française de Développement (AFD) na BANK OF AFRICA- Tanzania leo wametia saini mkataba wa makubaliano ya kutoa mikopo kiasi cha shilingi bilioni 25.67 kusaidia uwekezaji kwenye nishati mbadala na ufanisi wa nishati.

Makubaliano hayo, yamewezesha upatikanaji wa zaidi ya dola milioni 11.84 kwa ajili ya kukopesha miradi mbalimbali iliyojikita katika nishati mbadala au kuongeza ufanisi wa upatikanaji au matumizi ya nishati hapa nchini kupitia BANK OF AFRICA.

Mkataba huo umesainiwa na ndugu Bruno Deprince ambaye ni Mkurugenzi wa Kanda wa AFD na ndugu Ammishaddai Owusu-Amoah, Mkurugenzi Mtendaji na Afisa Mtendaji Mkuu wa BANK OF AFRICA, mbele ya Mheshimiwa Bi Malika Berak, Balozi wa Ufaransa nchini Tanzania, Mheshimiwa Mikael Melin Programme, Meneja katika Ujumbe wa Umoja wa Ulaya kwa Tanzania na Mheshimiwa Thomas Richard, Mwakilishi wa Shirikisho la Viwanda nchini (CTI).

Katika makubaliano hayo, taasisi zote mbili zimethibitisha kushirikiana kupitia mpango wa SUNREF (Matumizi Endelevu ya Maliasili na Nishati). Mpango huu bunifu utaiwezesha BANK OF AFRICA kutoa mikopo ya muda mfupi na mrefu itakayowavutia sekta ya umma na binafsi kutekeleza miradi katika nishati mbadala na ufanisi wa nishati, ambayo imekuwa ikipata changamoto katika upatikanaji wa mikopo.

Mpango huu ubunifu itawezesha BANK OF AFRICA kutoa mikopo ya muda mfupi na mrefu klatika viwango vya riba nafuu kulinganisha na viwango vya kawaida vya kibiashara kwa lengo la kuwawezesha wateja katika sekta binafsi na umma, kuondokana na changamoto ya upatikanaji wa fedha za kutekeleza mpango wa nishati mbadala.

Mikopo hii inaambatana na msaada wa kiufundi unaofadhiliwa na Umoja wa Ulaya ili kuiunga mkono BANK OF AFRICA lakini pia kuiwezesha benki hiyo kuongeza uwekezaji katika miradi inayochochea ukijani.

Msaada wa kiufundi pia utatoa utaalamu kwa wawekezaji na waendelezaji wa miradi ili kuwajengea uwezo katika kuendeleza nishati mbadala na kuongeza ufanisi katika matumizi ya nishati. Msaada huu utajumuisha maeneo yote ya uwekezaji kama maandalizi ya mradi, mchakato mzima wa uwekezaji pamoja na kujengewa uwezo wa kibenki.

Kwa upande wa Afrika Mashariki, SUNREF, inakuza mpango wa matumizi ya nishati zinazotoa gesi chafu kidogo kwa kugharimia uendelezaji wa miradi ya nishati mbadala na ufanisi katika matumizi ya nishati.

AFD inazisaidia benki za ndani katika kutambua fursa za uwekezaji katika nishati mbadala na kutoa mikopo inayochochea hali ya kijani pamoja na kutengeneza utaratibu mzuri wa ulipaji wa mikopo hiyo unaziofaa pande husika.

Programu hii imeundwa ili kuzisaidia biashara ziweze kutumia fursa ya mabadiliko ya hali ya hewa, pamoja na kuimarisha sekta ya benki kufadhili nishati mbadala na ufanisi wa nishati. Miradi ya nishati mbadala ni ile inayozalisha aina yoyote ya nishati (joto, mvuke, nguvu) bila kutoa nishati yoyote ya mafuta au chanzo chochote cha mionzi, ikiwa ni pamoja na nishati ya upepo na nishati ya jua.

Mradi huu utachangia pia kuongeza ufanisi wa nishati na mchango wa nishati mbadala katika ukuaji wa uchumi nchini,na hivyo kuchangia kupunguza uzalishaji wa gesi ya kaboni. Mradi huu pia utaziwezesha taasisi na biashara za kitanzania kupata teknolojia ya kijani pamoja na kuboresha ufanisi wao na ushindani wa jumla pamoja kuendeleza nishati safi.

Mkakati wa AFD umejikita katika kusaidia maendeleo endelevu ya kimazingira kupitia kukabiliana na mabadiliko ya hali ya hewa kwa kutumia nishati zinazotoa gesi kidogo ya kaboni. Hii ni pamoja na, miongoni mwa mambo mengine, kuboresha ufanisi wa nishati, kupanua matumizi ya vyanzo vya nishati safi, na kupunguza uzalishaji wa gesi chafu.

Tuesday, November 22, 2016  Copyright: Changanua Blog      Maoni: 0

Klabu ya Rotary ya Oyster Bay Yashirikiana na Wadau Kutoa Ufadhili wa Elimu kwa Wanafunzi wa Vyuo

Wanafunzi 20 kutoka vyuo mbalimbali hapa nchini wamepata ufadhili wa elimu unaofikia jumla ya Tshs Milioni 70 kutoka Klabu ya Rotary ya Oyster Bay, fedha zilizokusanywa kutokana na michango ya makampuni na watu binafsi.

Lengo la mradi huu ni kutoa msaada wa kifedha kwa wanafunzi wa Kitanzania wenye alama za juu kimasomo na waliopata nafasi za kujiunga na vyuo lakini wakakosa fedha za kulipia masomo.

Wanafunzi hao walikabidhiwa hundi za malipo katika tafrija fupi iliyofanyika tarehe 18 November katika mgahawa wa Waterfront uliopo Slipway jijini Dar es Salaam. Tafrija hiyo iliandaliwa kwa lengo la kuadhimisha miaka 100 ya mfuko wa Rotary ambapo fedha zilizochangishwa katika hafla hiyo zitawekwa kwenye mfuko huo wa Rotary ujulikanao kama Rotary Foundation.

Rotary Foundation iliyoanzishwa miaka 100 iliyopita ina lengo la kuwawezesha wanachama wa Rotary duniani kote kukuza amani kwa kuboresha afya, kusaidia elimu na kutokomeza umasikini. Mradi wa Klabu ya Rotary Oyster Bay wa ufadhili wa masomo unaenda sambamba na juhudi za Rotary International za kusaidia elimu.

Mradi wa ufadhili wa masomo katika Klaby ya Rotary ya Oyster Bay ulianza mwaka 2010 na wanafunzi wawili kwa msaada wa mfadhili mmoja. Katika kipindi cha miaka mitano, mradi huu umefanikiwa kuwa mradi mkubwa zaidi ukilinganisha na miradi mingine inayofanywa na klabu hiyo. Mwaka huu, klabu ya Rotary ya Oyster Bay imetoa ufadhili kwa wanafunzi 20 kwenye aina mbalimbali za masomo ikiwemo uhasibu, uhandisi, udaktari na sheria na inajivunia kuanza kuona matunda yake ambapo mmoja wa wanafunzi hao amehitimu na kuanza kazi ya udaktari.

Wanafunzi kutoka vyuo mbalimbali nchini Tanzania hutuma maombi ya ufadhili na mchakato wa kina hufanyika ili kuchagua wanafunzi wanaokidhi vigezo. Maendeleo ya wanafunzi wanaochaguliwa kupata ufadhili huangalia kwa ukaribi ili kubaini kama wanastahili kuendelea kupata ufadhili wa masomo katika mwaka unaofuata.

Mradi huu wa ufadhili Kwa wanafunzi unawezeshwa na michango kutoka kwa makampuni na watu binafsi ambapo mwaka huu michango imetoka Karimjee Scholarships, Karimjee Jivanjee Scholarships, D.B Shapriya Scholarships, R Sheth Scholarships, K Shah Scholarships, Nasim Manji, JDC Scholarships, Eleanor and Paul Best, Diamond Trust Bank, S Rhemtullah, pamoja na Gajjar Autoworks and Premium Finishes Limited.

Saturday, November 19, 2016  Copyright: Changanua Blog      Maoni: 0

BANK OF AFRICA- TANZANIA (BOA) YAZINDUA PROGRAMU MPYA YA MIKOPO YA UJENZI WA NYUMBA ‘WEZESHA’

Kutoka kushoto ni Ibrahim Samuel- Meneja Uhusiano- Mikopo ya Nyumba, Wasia Mushi- Naibu Mkurugenzi Benki ya Afrika Tanzania (BOA), na Muganyizi Bisheko- Meneja Masoko Utafiti na Maendeleo wakiongea na waandishi wa habari (hawapo pichani).

Kutoka kushoto ni Beatrice Mirigo- Marketing executive, Ibrahim Samuel- Meneja Uhusiano- Mikopo ya Nyumba, na Wasia Mushi- Naibu Mkurugenzi Benki ya Afrika Tanzania (BOA) wakiongea na waandishi wa habari (hawapo pichani).

BANK OF AFRICA- TANZANIA leo imezindua aina mpya ya mkopo wa ujenzi wa nyumba unaoitwa ‘WEZESHA’ ambapo mtu anaweza kukopa kiasi cha shilingi milioni 40 hadi 500 kwa mrejesho wa miaka hadi 25 bila utaratibu wa kutoa malipo yoyote ya awali.

Akizungumzia progamu hiyo, Naibu Mkurugenzi wa BANK OF AFRICA- TANZANIA bwana Wasia Mushi alisema, ‘programu hii ya mkopo wa ujenzi wa makazi mapya unawapa uwezo wateja wetu kubuni nyumba zao kadiri wanavyopenda, kulingana na mahitaji yao na ndani ya bajeti zao. Kwa kiwango kidogo kabisa cha riba na katika viwango vya punguzo, Bank ya Afrika pia imetengeneza mazingira rafiki na kuondoa usumbufu kwa mteja pindi anapohitaji mkopo huu’

Aidha, huduma ya mkopo ya ‘Wezesha’ inapatikana kwa watu wote wenye mishahara katika sekta za umma na binafsi, na kwa kutoa muda wa miaka 25 ya kulipa deni, mkopaji atapata uhuru zaidi pindi atakapochukua mkopo.

Mpango wa huu wa ‘Wezesha’ kujenga makazi unalenga kutoa suluhu kwa changamoto za makazi zinazowakabili watanzania wengi ambao kwa mazingira ya kawaida hutumia zaidi ya miaka 10-15 kujenga nyumba ya kawaida ya kuishi.

Fursa hii ya kutatua changamoto ya makazi kwa watanzania wengi, inaendana na ongezeko kubwa la watu kupata ardhi iliyopimwa, hivyo kuwapa watu nafasi ya kujenga nyumba wanazozitaka kwa masharti nafuu na rahisi ambapo kwa kuanzia mteja atatakiwa kuwa na kiwanja ambacho nyumba hiyo itajengwa.

Kwa mujibu wa takwimu, Tanzania ina uhaba wa nyumba kwa ajili ya makazi zaidi ya 3,000,000. Huku kukiwa na ongezeko la uhitaji huo kwa zaidi ya asilimia 1 kila mwezi.

Muganyizi Bisheko, Meneja Masoko Utafiti na Maendeleo wa BANK OF AFRICA-TANZANIA aliongeza kuwa, ‘Benki inatoa asilimia 100 ya ufadhili wa ujenzi ili watu wengi waweze kuumudu mkopo. Mara nyingi, hasa kwa mtu anayeanza maisha, kujiwekea akiba na kupata kiwango cha kulipia gharama za ujenzi wa makazi ni jambo gumu sana. Jambo hilo liliwezekana kwa wale wenye kipato kikubwa na endelevu, lakini kwa sasa, na kwa uwepo wa WEZESHA, si jambo gumu tena la kuchelewesha ndoto zako za kumiliki makazi ya kuishi, kwa kuweka akiba kwa miaka 2-5’

Aliongeza kuwa, ‘Mara mteja wetu anapopata mkopo wa makazi, yeye ndiye atachagua mkandarasi wa kujenga nyumba yake miongoni mwa makandarasi waliochaguliwa na BANK OF AFRICA- TANZANIA. Mkopo utatolewa kulingana na hatua za ujenzi, kama vile msingi, boma, paa, na umaliziaji. Na fedha hizo zitapelekwa kwenye akaunti ya Kandarasi anayejenga iliyofunguliwa kwenye Benki ya Afrika.Baada ya kukamilisha ujenzi, ripoti ya mkaguzi wa ubora itakabidhiwa kabla ya fedha za hatua nyingine ya mkopo kutolewa’

Kwa mara ya kwanza BANK OF AFRICA- TANZANIA ilizindua mkopo wa nyumba mwaka 2011 ambao ulikuwa unajumuisha mkopo wa ununuzi wa nyumba pamoja na uboreshaji wa nyumba. Toka mkopo ulipoanza kutolewa zaidi ya shilingi bilioni 10 zimeshatolewa.

Pamoja na mikopo ya nyumba, BANK OF AFRICA- TANZANIA pia imekuwa ikitoa mikopo kwa wakandarasi wa ujenzi ili kuongeza upatikanaji wa nyumba bora za makazi na wakati huo huo wakiwezesha watu wa kawaida kuzinunua nyumba hizo.

Thursday, November 17, 2016  Copyright: Changanua Blog      Maoni: 0

TIBA YENYE NGUVU ZA AJABU KUTOKA NEEMA HERBALIST

Tiba hii inaitwa JIKO. Kila mwanaume anae itumia, INAMPONYESHA KABISA tatizo la UKOSEFU na UPUNGUFU WA NGUVU ZA KIUME. Imethibitishwa na MKEMIA MKUU WA SERIKALI YA TANZANIA

Kufahamu jinsi tiba hii inavyo fanya kazi, bofya link hii hapa chini :

http://www.neemaherbalist.com/2015/07/uhusiano-kati-ya-damu-na-tatizo-la.html

Kwa mahitaji yako ya tiba hii, wasiliana na duka la NEEMA HERBALIST & NUTRITIONAL FOODS CLINIC kwa simu namba 0766 53 83 84.

Tunapatikana UBUNGO jijini DAR ES SALAAM, jirani na SHULE YA MSINGI UBUNGO NATIONAL HOUSING nyuma ya jengo la UBUNGO PLAZA. · Kwa wateja waliopo DAR ES SALAAM, wasio na nafasi ya kufika ofisini kwetu, watapelekewa dawa mahali walipo ( HOME & OFFICE DELIVERY ).

· Kwa wateja waliopo mikoani, watatumiwa dawa kwa njia ya mabasi mbalimbali.

· Kwa wateja waliopo Zanzibar, watatumiwa dawa kwa njia ya usafiri wa boti.

· Kwa wateja wa Mombasa, watatumiwa dawa kwa basi la TAHMEED COACH.

· Kwa wateja wa NAIROBI watatumiwa dawa kwa basi la DAR EXPRESS.

· Na kwa wateja wa UGHAIBUNI ( DIASPORA), watatumiwa dawa kwa njia ya POSTA au DHL.

· Kwa taarifa zaidi kuhusu huduma zetu, tembelea kila siku website yetu www.neemaherbalist.com

Tuesday, November 15, 2016  Copyright: Changanua Blog      Maoni: 0

KOZI MBALIMBALI TOKA DIT MWANZA CAMPUS

Monday, October 03, 2016  Copyright: Changanua Blog      Maoni: 0

EXECUTIVE OFFICE SPACE FOR RENT (HUGO HOUSE, KINONDONI)

A spacious office space is available for rent at Hugo House Kinondoni (Plot no 22).

It has 5 rooms which are well partitioned and suitable for any executive office setting with space of 72 SQM.

The office is fully carpeted and has Split units air conditioners.

Available for immediate occupancy.

For inquiry please contact 0713 465 336 or 0713 274 535

Tuesday, August 30, 2016  Copyright: Changanua Blog      Maoni: 0

BANK OF AFRICA WAFUNGUA TAWI JIPYA BABATI MKOANI MANYARA

Mwakilishi wa Mkuu wa Mkoa wa Manyara Bw. Longino Kazimoto akikata utepe kuashiria kufunguliwa kwa tawi jipya la Bank of Africa mjini Babati.

Mwakilishi wa Mkuu wa mkoa Bw Longino Kazimoto, mkurugenzi mtendaji wa Bank of Africa Ammishaddai Owusu-Amoah na Meneja wa Tawi jipya la Babati Bw Goodluck Mwasa katika picha ya pamoja.

Mkurugenzi Mtendaji wa Benki ya Bank of Africa Bw. Ammishaddai Owusu-Amoah akitoa hotuba fupi kwenye hafla ya uzinduzi wa Tawi la Benki hiyo huko Babati

Meneja wa Tawi jipya la Babati Bw Goodluck Mwasa

Meneja wa Tawi la Benki ya Bank of Africa Babati akifafanua kitu kwa Bw. Longino Kazimoto na Kamishna wa Polisi wa Mkoa wa Manyara Bw. Francis Massawe.

Waliokaa kutoka kushoto ni Bw. Samson Ntunga, akimuwakilisha Katibu Tawala (Manyara)Mkurugenzi Mtendaji wa wa Bank of Africa Bw. Ammishaddai Owusu-Amoah akiwa na mgeni rasmi Bw. Longino Kazimoto na RPC Mkoa wa Manyara Kamishna wa Polisi Bw. Francis Massawe.

Tuesday, August 23, 2016  Copyright: Changanua Blog      Maoni: 0

ICT SHORT COURSES

Sunday, August 14, 2016  Copyright: Changanua Blog      Maoni: 0

Burudika ndani ya Shekinah Garden weekend Hii

Thursday, August 04, 2016  Copyright: Changanua Blog      Maoni: 0

Wekeza kwenye mwanzo mzuri wa elimu ya Mtoto wako, Beginners Foundation Center ndio chaguo sahihi.

Welcome to Beginner's Foundation Center on 6th August 2016 open from 10.00 am to 4.30 pm, (Come in! Sit down, stay and see how we spend our day.) 

Plot 4, Sinza Mori behind Wanyama Hotel

Wednesday, August 03, 2016  Copyright: Changanua Blog      Maoni: 0

BENKI YA AFRIKA (BOA) KUZINDUA MATAWI ZAIDI NCHINI HIVI KARIBUINI

BENKI ya Afrika (BOA) imesema kuwa itafungua matawi yake matatu nchini mwishoni mwa mwezi huu ikiwa ni sehemu ya harakati zake za kuwafikia wateja wengi kwa urahisi.

Mwenyekiti wa Bodi ya wakurugenzi wa BOA, Balozi Mwanaidi Maajar, alisema hayo mwishoni mwa wiki kwenye hafla maalum ya kuwatakia heri ya Eid wateja wake iliyofanyika katika hoteli ya Serena jijini Dar es Salaam.

Katika hafla hiyo, Balozi Mwanaidi alisema kuwa lengo kuu la kufungua matawi hayo ni kuhakikisha kuwa benki hiyo inakuwa mfano wa kuigwa katika kufikisha huduma zake jirani na wateja.

Alisema ni ukweli usipingika kwamba BOA imekuwa ikijitahidi na kupiga hatua katika kutekeleza majukumu mbalimbali yahusuyo fedha ili kuwawezesha wananchi kiuchumi.

Balozi Mwanaidi alitaja matawi hayo kuwa ni mojawapo ni Mwenge, Mbezi Luois na Babati ambapo iwapo yakifunguliwa rasmi, benki hiyo itakuwa na jumla ya matawi 27 nchini.

Alisema imefika wakati sasa kwa wateja wa benki hiyo na watu ambao wanaohitaji kujiunga na BOA, kujitokeza katika kuchukua mikopo ili iweze kuwasaidia katika kutekeleza majukumu yao na hatimaye kuinua kipato chao na cha taifa kwa ujumla.

Akizungumzia hafla hiyo fupi , Balozi Mwanaidi alisema ni jambo jema katika kipindi kama hichi cha mwezi mtukufu wa Ramadhani watu kutoa kilichozidi kama ambavyo Mungu alivyoagiza.

Alisema ni jambo la busara na lenye tija kubwa watu pindi wanapokaa na kula pamoja katika kufurahia ibada ya mwenyezi mungu.

“Huu ni utamaduni wetu hasa inapofikia kipindi kama hichi cha mwezi Ramadhani, daima tutaendelea kudumisha utamaduni huu kwa miaka ijayo kwa lengo la kuongeza upendo na mshikamano,”alisema.

Aliwashauri wananchi kujitokeza kwa wingi na kujiunga na huduma zinazotolewa na benki hiyo ili waweze kufikia malengo waliyoyakusudia katika kuhakikisha kuwa wanakabiliana na changamoto ya ugumu wa maisha.

Tuesday, July 12, 2016  Copyright: Changanua Blog      Maoni: 0

PSPF YASAJILI WANACHAMA WAPYA LUKUKI KWENYE MAONYESHO YA 40 YA BIASHARA YA KIMATAIFA DAR ES SALAAM 2016

Wanafunzi wa chuo Cha Uhasibu (TIA), jijini Dar es Salaam, wakipatiwa maelezo ya huduma mbalimbali zitolewazo na Mfuko wa Pensheni wa PSPF walipotembelea banda la Mfuko huo lililoko jingo la Wizara ya fedha kwenye maonyesho ya 40 ya Biashara ya Kimataifa ya Dar es Salaam, 2016 viwanja vya Mwalimu Nyerere jijini Dar es Salaam Julai 2, 2016.

Waziri wa Nchi Ofisi ya Waziri Mkuu, Jenista Mhagama, (kulia), akizungumza jambo wakati alipotembelea banda la Mfuko wa Pensheni wa PSPF kwenye jingo la wizara ya fedha viwanja vya Mwalimu Nyerere jijini Dar es Salaam Julai 2, 2016 ambako yanafanyika maonyesho ya 40 ya biashara ya kimataifa ya Dar es Salaam. Hapa waziri akipatiwa maelezo na Afisa Uendeshaji wa PSPF, Hadji Hamisi Jamadari

Afisa Kumbukumbu wa Mfuko Pensheni wa PSPF, Lupakisyo J. Mwaipungu (kushoto), akimsikiliza Mwananchi huyu aliyetembelea banda la Mfuko huo na kuamua kujiunga na mpango wa uchangiaji wa hiari PSS Julai 2, 2016

Sunday, July 03, 2016  Copyright: Changanua Blog      Maoni: 0

Chile mabingwa Copa America

Monday, June 27, 2016  Copyright: Changanua Blog      Maoni: 0